‘ಐ ಲವ್ ಯೂ.. ಯೂ ಮಸ್ಟ್ ಲವ್ ಮೀ..’ ಪಾಗಲ್ ಪ್ರೇಮಿ ಅರೆಸ್ಟ್
ಅವಳು ನನ್ ಹುಡ್ಗೀ.. ಮಾತಾಡಿಸಿದ್ರೆ ಅಷ್ಟೇ!
ಬೆಂಗಳೂರು, ಜುಲೈ 3: ಪಾಗಲ್ ಪ್ರೇಮಿಯೊಬ್ಬ ಓಂ ಸಿನಿಮಾ ಸ್ಟೈಲ್ನಲ್ಲಿ ತನ್ನನ್ನು ಲವ್ ಮಾಡುವಂತೆ ಯವತಿಗೆ ಟಾರ್ಚರ್ ನೀಡಿ ಪೊಲೀಸರ ಅತಿಥಿಯಾಗಿದ್ದಾನೆ.
ನಾಗರಬಾವಿ ನಿವಾಸಿಯಾಗಿರೋ 22 ವರ್ಷದ ಯುವತಿಯನ್ನ ರಾಜೇಶ್ ಎಂಬಾತ ಪ್ರತಿನಿತ್ಯ ಫಾಲೋ ಮಾಡ್ತಿದ್ದ. ನನ್ನನ್ನು ಲವ್ ಮಾಡು ಅಂತ ಪೀಡಿಸ್ತಾ ಇದ್ದ ಎನ್ನಲಾಗಿದೆ.
ಜೊತೆಗೆ ಅವಳು ನನ್ ಹುಡ್ಗೀ.. ಮಾತಾಡಿಸಿದ್ರೆ ಅಷ್ಟೇ ಅಂತ ಆಕೆಯ ಸ್ನೇಹಿತರಿಗೆ ಹಾಗೂ ಕ್ಲಾಸ್ಮೇಟ್ಸ್ಗೆ ವಾರ್ನ್ ಕೂಡ ಮಾಡಿದ್ನಂತೆ. ಯುವತಿಯ ಪೋಷಕರಿಗೂ ಕರೆ ಮಾಡಿ ನಿಮ್ ಮಗಳನ್ನ ಲವ್ ಮಾಡ್ತಿದ್ದೀನಿ ಒಪ್ಪದಿದ್ರೆ ಕುತ್ತಿಗೆ ಕುಯ್ದುಕೊಳ್ತಿನಿ ಎಂದು ಅವಾಜ್ ಹಾಕಿದ್ದಾನೆ ಎನ್ನಲಾಗಿದೆ.
ನಾನು ಸಾಯುವಾಗ ನಿಮ್ಮಪ್ಪ-ಅಮ್ಮನ ಹೆಸರನ್ನ ಬರೆದಿಡ್ತೀನಿ, ಅವರು ಜೈಲಿಗೆ ಹೋಗ್ತಾರೆ. ಒಂದು ದಿನದ ಒಳಗಾಗಿ ಲವ್ ಪ್ರಪೊಸಲ್ ಒಪ್ಪಿಕೊಳ್ಳಬೇಕು ಎಂದು ಯುವತಿಗೆ ಡೆಡ್ಲೈನ್ ಕೊಟ್ಟಿದ್ದನಂತೆ. ಇದರಿಂದ ಆತಂಕಗೊಂಡ ಯುವತಿ ಮತ್ತು ಪೋಷಕರು ಚಂದ್ರಾಲೇಔಟ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಸದ್ಯ ರಾಜೇಶ್ನನ್ನು ಪೊಲೀಸರು ಬಂಧಿಸಿದ್ದಾರೆ.