ದೆಹಲಿ ವಲಸಿಗರಿಗೆ ಸಹಾಯಕ್ಕೆ ಸನ್ನಿ ಲಿಯೋನ್

ಲಾಕ್​ಡೌನ್​ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿರುವ ದೆಹಲಿಯ 10,000 ವಲಸಿಗರಿಗೆ ಊಟದ ವ್ಯವಸ್ಥೆ ಮಾಡಲು ಪೆಟಾ ಸಂಸ್ಥೆ ಜೊತೆ ಬಾಲಿವುಡ್​ ನಟಿ ಸನ್ನಿ ಲಿಯೋನ್ ಕೈ ಜೋಡಿಸಿದ್ದಾರೆ.

ನವದೆಹಲಿ: ಕೋವಿಡ್​ ಲಾಕ್​ಡೌನ್​ನಿಂದಾಗಿ ಒಂದೊತ್ತಿನ ಅನ್ನಕ್ಕೂ ಪರದಾಡುತ್ತಿರುವ ರಾಷ್ಟ್ರ ರಾಜಧಾನಿಯ ವಲಸೆ ಕಾರ್ಮಿಕರಿಗೆ ನೆರವಾಗಲು ಬಾಲಿವುಡ್​ ನಟಿ ಸನ್ನಿ ಲಿಯೋನ್ ಮುಂದಾಗಿದ್ದಾರೆ.
ದೆಹಲಿಯ 10,000 ವಲಸಿಗರಿಗೆ ಊಟದ ವ್ಯವಸ್ಥೆ ಮಾಡಲು ಪೆಟಾ ಸಂಸ್ಥೆ (PETA -ಪೀಪಲ್ ಫಾರ್ ಎಥಿಕಲ್ ಟ್ರೀಟ್ಮೆಂಟ್ ಆಫ್ ಅನಿಮಲ್ಸ್) ಜೊತೆ ನಟಿ ಕೈ ಜೋಡಿಸಿದ್ದಾರೆ. ಅಕ್ಕಿ-ಬೇಳೆಯಿಂದ ತಯಾರಿಸುವ ಖಿಚಡಿ ಹಾಗೂ ಹಣ್ಣುಗಳನ್ನು ಈ ಆಹಾರದ ಕಿಟ್​ ಅನ್ನು ಒಳಗೊಂಡಿರುತ್ತದೆ. ಉದಯ್ ಫೌಂಡೇಶನ್ ಮೂಲಕ ಪೆಟಾ ಮತ್ತು ಸನ್ನಿ ಆಹಾರವನ್ನು ದಾನ ಮಾಡಲಿದ್ದಾರೆ.